Nor gara

Munduko Landagunea (ML) Familia Nekazaritza eta Nekazaritzaren Garapen Jasangarria sustatzen dituen sare plurala da, eta ondokoek osatzen dute, besteak beste: COPROFAM, PIFON, PDRR, PROPAC eta AFA bezalako Familia Nekazaritzaren baitako federazio eta erakundeek, INADES bezalako nekazaritzaren garapenerako erakundeek, kooperatibek eta CIRAD bezalako nekazaritzaren ikerketara bideratutako zentroek.

Hemen ikus dezakezu ML osatzen duten erakunde kide guztien zerrenda. MLak bost kontinenteetako 50 milioi nekazari baino gehiago ordezkatzen dituzten erakundeak biltzen ditu bere baitan.

Horrez gain, ML mundu osoko beste ehunka erakunderekin ere ari da elkarlanean (bazkide ez direnekin).

Munduko Landagunea 1998ko azaroaren bukaeran Vitoria-Gasteizen (Euskal Herria, Estatu Espainiarra) egindako Merkataritza eta Nekazaritza Garapenaren Nazioarteko Biltzarraren haritik sortu zen. Biltzar horren Azken Adierazpenak hainbat helburu zehaztu eta adierazpena bera iraunarazi zein praktikara eramateko Foro bat sortzeko akordio zabala barnebildu zituen.

Horrela sortu zen Munduko Landagunea, eta bere Idazkaritza Vitoria-Gasteizen ezarri zen. Legezko erregistroa, berriz, 1999an gauzatu zen.

Hala, 25 urte beteko ditu Munduko Landaguneak 2024ean. Aintzatespen ugari lortu ditu MLak bere ibilbidean zehar, baita Nazioarteko Erakundeen aurrean bere lana jarduteko gune esanguratsua eraiki ere:

• 2024an, Nazio Batuen Hitzarmenaren Biodibertsitateari buruzko Konbentzioan (CBD) behatzaile estatutua lortu zuen.
• 2023an, Munduko Landaguneak behatzaile osoko estatutua lortu zuen Klima Aldaketari buruzko Nazio Batuen Esparru Hitzarmenaren (UNFCCC ingelesez) Idazkaritzaren aurrean. Honek esan nahi du hemendik aurrera, MLak ziurtatutako akreditazioa izango duela etorkizuneko Klima Aldaketaren Konferentzietan (COP) eta prestakuntza bileretan. Honek Munduko Landagunearen eragin gero eta handiagoa azpimarratzen du nazioarteko klima forotan.
• Jacques Diouf Saria jaso zuen MLak 2015ean, munduko elikaduraren segurtasun ezaren kontrako borrokan ekarpen esanguratsua egin duten erakundeei FAOk bi urtetik behin esleitzen dien aintzatespena alegia.
• Estatus aholku-emailea du MLak ECOSOCen baitan, eta proposamenak bidaltzea edota Nazio Batuen sistemaren konferentzia zein batzarretan parte hartzea ahalbidetzen dio horrek.
• Artekari estatusa ere esleitu zion FAO erakundeak, hots, FAOren Batzordeetan eta Elikaduraren baitako Segurtasun Komiteetan parte hartzea ahalbidetzen dion aitortza ofiziala.
• Gizarte Zibilaren Mekanismoko (CSM, ingelesez) kide da, Elikadura Segurtasunerako Batzordearekin harremanak dituena.

MLren estatutu berriek “Familia Nekazaritzaren sustapena eta Nekazaritzaren Garapen Jasangarria” ditu erakundearen Helburu Sozialtzat.

Elkartearen Helburuen artean honakoak dira aipagarri:

• Nekazaritzaren Garapen Jasangarriaren sustapena bost kontinenteetan.
• Familia Nekazaritzaren baitako eta bere inplementazio eraginkorrerako politika publiko hobeen sustapena.
• Familia Nekazaritzan eta nekazaritzaren garapenean genero ekitatea sustatzea.
• Gazteak Familia Nekazaritzan zein honen garapenerako prozesuetan integratzea, sartzea eta berdintasunean parte hartu ahal izatea sustatzea.
• Familia Nekazaritzaren baitako erakundeak eta landa eremuan diharduten gainerako elkarteak indartu zein ahalduntzeko babesa.

Ekainaren 22ko 7/2007 Legearen, Euskadiko Elkarteenaren, eta martxoaren 22ko 1/2002 Lege Organikoaren, Elkartzeko Eskubidea Arautzekoaren arabera eratu dira MLren estatutuak. Azken horrek, gainera, legezko baldintza eta betebehar ugari ezartzen dizkio testuari.

Kontsulta itzazu MLren estatutuak.

MLk diziplina anitzeko talde batek osatutako idazkaritza dauka eta hainbat kontinentetan bulegoak ditu. Egoitza nagusia Euskadin dago. ML Idazkaritzarekin harremanetan jartzeko, egin klik hemen.